ದಿನದ ಅಪರಾಧಗಳ ಪಕ್ಷಿನೋಟ 29ನೇ ಮಾರ್ಚ್ 2021

ಕೆ.ಜಿ.ಎಫ್. ಪೊಲೀಸ್ಜಿಲ್ಲೆಯ ವಿವಿಧ ಪೊಲೀಸ್ಠಾಣೆಗಳಲ್ಲಿ ದಿನಾಂಕ 28.03.2021 ರಂದು ದಾಖಲಾಗಿರುವ ಅಪರಾಧ ಪ್ರಕರಣಗಳ ವಿವರಗಳು.

 – ಜೂಜಾಟ ಕಾಯ್ದೆ : 01

ಬೇತಮಂಗಲ ಪೊಲೀಸ್ ಠಾಣೆಯಲ್ಲಿ ಜೂಜಾಟ ಕಾಯ್ದೆ ಅಡಿಯಲ್ಲಿ ಪ್ರಕರಣ ದಾಖಲಾಗಿರುತ್ತದೆ.  ದಿನಾಂಕ:28-03-2021 ರಂದು  ಮದ್ಯಾಹ್ನ 3:45 ಗಂಟೆಯಲ್ಲಿ ತೊಂಗಲಕುಪ್ಪ ಗ್ರಾಮದಿಂದ  ಪೂರ್ವ ದಿಕ್ಕಿಗೆ ಕಾಲುದಾರಿಯಲ್ಲಿ ಪಲಾರ್ ನದಿಯ ಕಾಲುವೆಯ ದಡದಲ್ಲಿ ಮರದ ಕೆಳಗೆ ವೆಂಕಟೇಶ್‌, ಅಶ್ವಥ್‌, ಸುರೇಶ್‌, ಕೃಷ್ಣಪ್ಪ, ವೆಂಕಟೇಶ್‌, ಶ್ರೀನಿವಾಸ ಮತ್ತು ಲಚ್ಚಿರೆಡ್ಡಿ ಇಸ್ಪೀಟು ಎಲೆಗಳಿಂದ ಅಂದರ್-ಬಾಹರ್ ಜೂಜಾಟ ಆಡುತ್ತಿದ್ದವರನ್ನು ದೂರುದಾರರಾದ ಶ್ರೀ. ನವೀನ್‌, ಪಿ.ಎಸ್.ಐ ಮತ್ತು ಸಿಬ್ಬಂದಿಯವರು ಹಿಡಿದುಕೊಂಡು, ಸ್ಥಳದಲ್ಲಿದ್ದ 52 ಇಸ್ಪಿಟು ಎಲೆಗಳು ಮತ್ತು 8,520/- ರೂ ವಶಕ್ಕೆ ಪಡೆದು ಪ್ರಕರಣ ದಾಖಲಿಸಿರುತ್ತಾರೆ.

 ಅಸ್ವಾಭಾವಿಕ ಮರಣ ಪ್ರಕರಣ :  01

 ಉರಿಗಾಂ ಪೊಲೀಸ್ ಠಾಣೆಯಲ್ಲಿ ಅಸ್ವಾಭಾವಿಕ ಮರಣ ಪ್ರಕರಣ ದಾಖಲಾಗಿರುತ್ತದೆ. ದೂರುದಾರರಾದ ಶ್ರೀಮತಿ. ರಾಜೇಶ್ವರಿ, ಫಿಟ್ಟರ್ಸ್‌ ಬ್ಲಾಕ್‌, ಕೋರಮಂಡಲ್‌ ಪೋಸ್ಟ್‌, ಕೆ.ಜಿ.ಎಫ್ ರವರ ದೊಡ್ಡಮ್ಮನ ಮಗ ಸುರೇಶ್ ಬಾಬು, 42 ವರ್ಷ ರವರಿಗೆ 6 ವರ್ಷಗಳ ಹೊಟ್ಟೆನೋವು ಬರುತ್ತಿದ್ದು, ಚಿಕಿತ್ಸೆ ಪಡೆದುಕೊಂಡಿದ್ದರೂ ವಾಸಿಯಾಗದೆ ಇದ್ದುದ್ದರಿಂದ,  ದಿನಾಂಕ:27.03.2021 ರಂದು ಅತಿಯಾದ ಹೊಟ್ಟೆ ನೋವು ಬಂದಿದ್ದು ಆತನು  ಅದನ್ನು  ತಾಳಲಾರದೆ ಜೀವನದಲ್ಲಿ ಜಿಗುಪ್ಸೆ ಹೊಂದಿ  ಸಂಜೆ 5.30 ಗಂಟೆಯಲ್ಲಿ ಪಿಟ್ಟರ್ಸ್ ಬ್ಲಾಕ್ ನ ಮುತ್ತು ಎಂಬುವರ  ಹೋಟೆಲ್ ಹಿಂಭಾಗದಲ್ಲಿ ಒಂದು ಮುಳ್ಳಿನ ಮರಕ್ಕೆ ಪ್ಲಾಸ್ಟೀಕ್ ಹಗ್ಗದಿಂದ ನೇಣು ಹಾಕಿಕೊಂಡು ಆತ್ಮಹತ್ಯೆ ಮಾಡಿಕೊಂಡಿರುತ್ತಾರೆ.

Leave a Reply

Your email address will not be published. Required fields are marked *